Nougat pasok na rin sa MBL

People's Journal
October 26, 2007

ANG Nougat Candy ang ika-7 koponan na kumpirmadong lalahok sa 2007 MBL Second Conference na lalarga sa katapusan ng buwan.

Pangungunahan ni dating PBA standout Alvin “Robocop” Teng at James Ongpin ang Nougat, na umaasang madadala sa MBL ang kanilang malawak na championship experience sa iba’t ibang Filipino-Chinese commercial basketball leagues.

“Bagong pagsubok ito para sa aming team (Nougat),” pahayag ni Nougat playing coach-manager Mike Mancilla.

Makakasama ni Teng, naglaro sa San Miguel Beer at tatlong iba pang teams sa PBA, sa Nougat sina Hennysy Tiu, Mike Sy, Kelvin Ang, Paul Yun at Niño Sia.
Bukod sa Nougat, ang iba pang koponang lalahok sa MBL ay ang MBL First Conference champion 3T Corporation (Nixon Distrito/Dave Colina), Wang’s Ballclub (Buboy Rodriguez/Alex Wang), Rusty Lopez (Daniel Espaldon/Gil Flororita), UCM Auto Aircon-Lyceum (Bonnie Tan), Makati (Peter Tioseco/Alvin Gray) at Koi Village (Bong dela Cruz/Terry Que/ Jimi Lim).

Ang Spring Cooking Oil nina national shooting champion Nathaniel “Tac” Padilla and coach Efren “Yogn” Garcia ay inaasahan ding sasali sa MBL.