Hapee nagparamdam

By: Theodore P. Jurado
People's Journal
October 16, 2007

Mga laro sa Sabado:
(The Arena, San Juan)
1 n.h. – Opening Ceremonies
2 n.h. – Pharex vs San Mig
4 n.h. – Bacchus vs Toyota Balintawak

Kahit wala pa ang kanilang top rookie pick na si Gabe Norwood, maagang nagparamdam ang Hapee Toothpaste sa kanilang kampanya sa PBL First Conference makaraang masingitan ang Toyota Balintawak, 85-84, sa pre-season games kahapon sa The Arena, San Juan.

Humataw si Bonbon Custodio ng 17 puntos nang gapiin ng San Mig Coffee ang Burger King, 76-73, sa unang laro.

Nasayang ang pagkakataon ng Roadkings na itakas ang panalo nang sumablay ang game-winning follow-up ni rookie Bryan Faundo makaraang mabigo si veteran Erwin Sta. Maria sa kanyang bonus free throw.

Tumapos sina Roel Hugnatan at Anthony Espiritu na may tig-14 puntos, habang nag-ambag si Jim Viray ng 13 puntos para sa Teeth Masters.

Nagsalansan si Jonathan Aldave ng 18 puntos at nagdagdag si JP Alcaraz ng 12 puntos para sa Toyota Balintawak, na makakalaban ang Bacchus Energy Drink sa opening day sa Sabado.

Nanguna si Custodio sa pagbangon ng Coffee Kings mula sa 14 puntos na pagkakabaon sa pagkamada ng 10 puntos sa second period upang makalapit sa Whoppers sa 35-37 sa halftime break.

Nagbida naman si San Sebastian College-Cavite standout Glenn Bolocon sa third canto, kung saan nag-salpak siya ng 10 sa kanyang kabuuang 16 puntos sa third canto upang makontrol ng San Mig ang trangko sa 61-52 sa pagpasok ng final canto.

Iskor:

Unang laro

San Mig (76) – Custodio 17, Bolocon 16, Pascual 11, Sorongon 8, Dela Peña 7, Magpayo 4, Raneses 4, Saldua 4, Delafu 3, Del Rosario 2, Angeles 0, Luanzon 0.
Burger King (73) – Misa 18, Bravo 15, Javier 9, Arellano 8, David 6, Baracael 5, Bauzon 4, Ballesteros 4, Gregorio 2, White 2, Masbang 0, Canlas 0, Mendoza 0.
QS: 11-25; 35-37; 61-52; 76-73

Ikalawang laro

Hapee (85) – Espiritu 14, Hugnatan 14, Viray 13, Daa 11, Rodriguez 10, Mercado 8, Grijaldo 6, Reyes 5, Quinday 4, Cabangon 0.
Toyota Balintawak (84) – Aldave 18, Alcaraz 12, Sena 10, Rodriguez 10, Jazul 7, Sta. Maria 7, Jaime 4, Hayes 4, Faundo 4, Cole 4, Balgos 2, Dedicatoria 2.
QS: 21-32; 42-47; 69-62; 85-84